未識我 honey 之前,青椒對於我來說,莫講係食,就連見到都唔知係什麼...
識左honey 之後,常常俾佢迫我食青椒,我先知道青椒原來咁多益處...含有十分多的維他命A、C、鈣質、鐵質等
今日,見到 d 三色椒好靚仔,即刻買左一 pack , $6 三個, 都算抵啦 !!!之後再買多 $10 魚滑 ,整煎釀三寶 !! 魚擋阿姐見我好想要荵,仲加左好多俾我,
魚滑加入胡椒粉, 生粉同麻油先攪勻 , 三色椒切件, 再將魚滑釀入..
快火落油起鑊, 油滾轉中火, 先將魚滑向下 , 煎成金黃, 再將三色椒煎至金黃, 排碟.
快火落油起鑊(1茶匙油), 先爆香蒜蓉, 加蒜蓉豆豉醬和糖兜勻, 加入水煮至汁滾, 熄火, 加入生粉水至杰身, 淋上三色椒上即成 .
我最愛的食物喇
回覆刪除[版主回覆07/19/2008 00:17:00]最愛 ,咁嚴重 ??
hi~ 我起bk 見到你既post 煎釀三寶我都好鍾意食
回覆刪除[版主回覆07/19/2008 00:17:00]自已整 健康小小啦 ~~
正 wor ~
回覆刪除[版主回覆07/19/2008 00:18:00]really ??~~
青椒...我到而家都接受唔到陣味呀 ....好似西芹一樣有陣特別味道呢
回覆刪除[版主回覆07/19/2008 00:18:00]我以前都係唔食西芹,不過而家都開始接受到 ,因為又係好有益呀 !!!不如試下小小咁食呀 !!!
我又係成日整煎釀3寶ga, 青椒好味呀..
回覆刪除[版主回覆07/20/2008 01:07:00]好野 ~~~志同道合 ..