昨天,我識左十年既舊同事黎左我家 gathering .其實由同事變左朋友,仲可以 keep 到咁耐既友情,我自已就覺得很難得.....連稀客都俾面過海到來,真係難得!!!
我想最開心一定係迪迪啦 !!!咁多靚仔,靚女同佢玩..
2008年7月28日 星期一
2008年7月27日 星期日
法式焗焦糖布甸
上次食完 MR.Steak 既 焦糖布甸 ,就勁想自已整來食了....今次一定要的起心肝整先....
呢個係 6 杯 既份量,我整左十杯, 所以會見到 d 料咁多.
材料 ( 份量：6杯 )
全蛋 170g
淡忌廉 480g
砂糖 55 g
云呢拿香油 1.5茶匙
~~呢個時候,先將焗爐以160度預熱，並在焗盤內放入熱水...
~~跟住將蛋、糖、云呢拿香油稍為拌勻 (不用打至企身 )
~~將淡忌廉煮至熱即可收火(不用煮滾)
慢慢將淡忌廉加入蛋漿中，邊加邊拌勻，不要令蛋熟至結塊
~~用隔篩將布甸漿過濾，倒入錫紙杯中
~~放入巳預熱焗爐中，焗35分鐘 (焗盤需保持有熱水)
~~取出，讓表面稍涼，灑上砂糖，以火槍烘表面至金黄色..
(有一杯無左一部份 ???honey 偷食 試味呀 !!)
~~放涼後即成脆糖面..
2008年7月26日 星期六
焗藍莓芝士餅
既然自製左藍莓,咁今日就試下整~焗藍莓芝士餅~啦 !!!橫豎明天有班姊妹來家訪,有多 d 人一起分擔~fat~
餅 底 材 料 :
芝士餅底碎 60 g 無鹽牛油 (座溶) 30 g
芝 士 餡 材 料 :
忌廉芝士 (室温) 350 g 砂糖 76 g 無鹽牛油 (座熱) 66 g 雞蛋 99 g (2隻)
淡忌廉 44 g
餅 面 材 料 :
藍莓醬 (隨自己喜歡)
做 法 :
~~牛油座熱加入餅底碎內 (拌勻)，再放入模圈內用匙壓實、壓平餅底碎，
再放入雪櫃。
~~預熱焗爐 180-200 度火 / 15 分鐘 (但要注少許熱水在烘盤內) 。
~~放入忌廉芝士 + 砂糖在打 2-3 分鐘打至軟身。
~~放入雞蛋 (分2次加入) 攪拌勻
~~加入淡忌廉 (拌勻) ~ 打至軟身 。
~~ 加入已預先預熱牛油溶液後 (慢慢拌勻) 。
~~將芝中漿倒入模圈內，再放入焗盤上 ( 焗盤上再注入少許熱水 ) 。
因為我開左焗爐,驚危險,所以關左廚房門,所以八卦迪只有隔門而看呀 !!
~~焗爐焗 180-200 度火 / 40-45 分鐘至芝士餅發起及餅邊變成棕色。
~~從焗爐取出蛋糕，放涼大約 15-30 分鐘後脫模。
~~將藍莓醬塗在芝士蛋糕中央 ，待凉後即可玖入雪櫃雪凍後切件食~更佳 。
藍莓果醬~DIY Version
LaLa 姐提議我 DIY 藍莓果醬, 我緊係要學啦 !!又 Fresh ,又 Natural .....
材料: 鮮藍莓 (兩盒)
三溫糖 80克 (可用蔗糖或沙糖代替)
檸檬汁 1湯匙
做法:
1~藍莓洗淨抹乾，加入半份砂糖及檸檬汁攪勻，放入雪櫃至2小時
(檸檬怕醜,無上鏡)
2~中火將藍莓連糖煮至軟身，收慢火，加入其餘半份三溫糖至溶解，然後開大火，煮至杰身即成.
3~ 趁熱倒入瓶中 ，稍涼後上緊瓶蓋即可.
嘩!!!真係好 FRESH 呀 !!不過原來兩盒既份量做出來都唔係好多,下次減價買多 D 先...
如果認為 藍莓果醬太單調,可以加入桂花,相信一定更清香,可以看看LaLa姐既桂花藍莓果醬 呀 !!
http://hk.myblog.yahoo.com/kikilala-wedding/article?mid=951&prev=995&next=949
幫你宣傳,hahah~~~
訂閱：
意見 (Atom)