我的第一次~扒地~聚會

              

                              

  月 

日

                星期六, MaMa 唔使返工, 同我執拾行裝去玩玩. ... 今次好大陣象呀 !!唔知去邊呢 ???

                   

                                 

                終於到左目的地了,原來今日我有幸被邀請到 QB Family 既四個仔仔1 歲 Birthday party  Ice-cream Cookie 棉花糖 和朱古力

         我雖然識左佢地唔係好耐,不過 mama 係 blog到都睇住佢地四個小朋友大呀!! 就好似 QB 爸睇住我大一樣...所以佢地一歲既大日子,我一定要出現啦!

   

 

     

 

              今日我地除左食之外,仲有兩個比賽 , 最合襯裝扮 和 最合拍家庭 ...

           不過mama 呢排好忙,都無時間和我打扮一番,最後媽媽俾左件迷彩戰衣我,佢自已就帶左條迷彩頭巾..   

( 俾人偷影到我地變身tim!!醜醜~~

)

 

    

               我地出來表演了, 當然我地係...........輸左既 ,不過有得玩玩都好開心 呀 !! 

 

 

最合襯衣著就係 ~~~~Chanti family

 

最合拍比賽冠軍係 ~~~~~~ 一一 family

(佢地表演合唱,  一個字~勁~)

 

            我又見到失散多年既 bombom 喇 !仲要大家都係有迷彩 ......我開始懷疑與bombom 有心靈感應俾 mama 和 bombom ma ,因為第二日相似既事情又再發生....

 

 

       呢個係大人食既生日蛋糕

   

 

                當然,又點小得我地 ,我地先係主角呀 !!

   

 

 

      每人都有回禮禮物,主人家真係好多心思呀 !!

 

                最後,來張大合照, 嘩 !!!  第一次咁多 friends 同我玩呀 !!!你地見唔見到我呀 !!俾個貼士你.......我在最後排呀 !

    

      

      好多謝 QB Family 呀 !!令我和 mama 認識到咁多朋友仔 .......

 

風雨同路 重傷的一天

               我既愛股~大美人~昨日公佈完業績後,今日狂瀉 19 % ,雖然仲有錢賺,但如果今日超賣完後,明天都唔升番小小,咁佢個勢真係可能已經轉左喇 !!

 

              思捷環球(0330)公布，直至6月底的12個月內，純利64.5億元，升24.5%。 集團派末期息1.15元，特別股息2.1元。連同中期息0.95元，思捷全年派息共為4.20元。

             一隻 PE 15 ,派息比率 80 %既股,真係咁差嗎?? 高增長期過左就不再值得hold ??

             常與我心靈相通既 LaLa 姐,大家一起經歷左大美人好幾次大上大落,估唔到今日輪到我地既 honey 心靈相通, 一起為大美人托市, ..........

豬腰肉併銀雪魚@南瓜湯別奧運

     

              下午同 honey 去左沙田 Shopping ,而晚上奧運閉幕,

一定要番家一邊晚飯,一邊欣賞啦 !!結果,在 Citysuper 掃貨回家煮飯仔...

          

                  材料: 有機露筍    

                            加拿大豬腰肉

                            銀雪魚切身

                            雪花鱸魚切身

             

              

       做法:

      ~~ 食材先以蒜鹽醃透

 

 ~~honey 自動請纓整 woh!

         

 ~~煎得都唔錯,不過我掛住睇電視,唔記得影佢煎魚..

 ~~連佢炒飯都影唔到..

       

   ~~露筍只簡單地烚孰伴碟...

 

   ~~很快,已經完成了 ..

 

               Honey 負責煎 ,我負責煮湯啦 !!

 

  

 

               整番個南瓜湯親番呢頓西餐先~

 

              材料 : 

                      南瓜 - 半個

                      清雞湯-適量

                      淡忌廉 -適量

                      洋蔥-小許     

 

             做法 :                 

~~將南瓜去皮切粒，以火蒸至腍身，約半小時，完成後把南瓜搓成蓉

 

~~洋蔥切粒，加少少牛油起鑊炒香，然後倒入水及南瓜溶內

 

~~再將南瓜湯加熱，同時加入雞湯和淡忌廉，攪拌後倒入湯碗中即成。

 

烹調貼士：



喜歡滑一點的口感，便要將南瓜粒徹底搓成蓉；喜歡保留點口感，搓南瓜時要留下些少肉粒。

牛油和淡忌廉令湯更香更滑，怕肥的女士們可以隨意減輕分量。

 

事先張揚的假期

                   終於掛左喇 !!要親眼望到先可以安心再大覺訓 .....

                   昨天中午既時候, 做船公司既朋友興奮地告知貨櫃碼頭罕有地已準備停止交收,但那一刻連三號風球都未掛呀 !可想而知颱風 「 鸚 鵡 」 有幾勁 !! 之後 仲有消息稍後會掛九號或十號風球 ,仲一起扮老番天文台台長....  下~~但那一刻只係一號風球咋 !! 呢隻鸚鵡真不能小看....

                  到晚上,天文台竟然話明早清晨未必有機會改發八號 ,嘩 !勁失望 ~~最討厭返 半日工.....

                 今早一起身,第一時間睇電視啦 !!!天色昏暗,露台都幾大風呀 !點解唔係八號??氣結 ,準備洗臉返工之際, yeah~~ 原來顯示左八點前掛八號

                  多謝你呀鸚鵡 !步伐剛剛好,  如果唔係............我地會變左傷心的小鸚鵡 !