冬日限定~栗子炆雞+栗子糊

 

   其實.......
   我好喜歡栗子架!!
   細個時,
  以為栗子只有冬天從小販買下
  再撕下撕下的食法


   直至某一年,某一個晚上,某一個人車我去深水埗
   食到人生第一碗熱騰騰的栗子糊
   真係勁 LUM 架 ! (那一刻)


  

 
   今次買左兩磅栗子
   其實都幾多,因為唔知有幾多唔要得
   所以, 都係買多小小穩陣

點知,原來只有數粒唔見得人
大部份都好靚仔呀


其實,剝栗子都唔難呀!
我用左十五分鐘已剝哂呢度

我先用熱水煮大概十五至二十分鐘
再幾粒幾粒拿出來
重點是~~~唔用手剝,用布幫手
每粒栗子兩下已經KO
咁就唔會熱親手,又快,又方便
 

   雞就斬左件, 用薑汁, 酒, 生抽醃最少15分鐘

用鑊爆D栗子先,用 DD 油,鹽,糖,炒至金黃,盛起

跟住再落油,加薑,蒜頭爆香D 雞
炒至金黃加紹酒,豉油,老抽,蠔油,糖轉細DD火兜
再落埋D栗子一起兜
加清水,轉中火炆佢30-40分鐘
見到收水可熄火
再俾小小時間佢焗下





咁就OK 喇!!!

 栗子預多左, 唔好浪費
 即刻找尋下栗子糊點整
 如果俾我成功
 我唔使特別去

綠林甜品 鳥.. 
  o(^_^)O


材料

栗子 /水  / 片糖

米 /水


栗子加水及糖煲30分鐘至淋
將已煲淋的栗子糖水，用攪拌機打爛成蓉

因為我希望食時唔太杰,有咀嚼感

所以,我沒有將栗子蓉過篩

栗子糊在細火慢煲時

把米加 水用攪拌機磨成汁，用煲湯布袋隔渣取米漿。

 將米漿慢慢倒入細火慢煲的栗子糊

因為唔想太杰.,唔想咁糊

所以,米漿也下了很小

 呢個應該叫栗子粒露

 下次我會試下先炒D 栗子
 好似會香D