今日,在某 forum 看到某人最近搬左屋,一向都養開狗,而新搬的地方公契寫到明唔養得,但係諗住博一博,點知狗狗又唔聽話, 有人出lift或經過又吠, 有人響平台玩或者大堂按制上樓都吠.終於........她收到管理處投訴信,勸佢盡快將狗狗搬離,狗主暫時幫佢帶口罩, 但係見佢好慘dup晒尾,又好心痛!!!!
回想我帶迪迪番來時,我舊居都係唔飼養得狗狗 ,所以有時佢吠小小,我都好驚,又或是開一開門掉垃圾,都怕佢會追出來,,帶佢落街, 又要好似走鬼咁....我覺得好對唔住佢呀!同老公講,唔想佢一世偷偷摸摸咁慘!!
同一時間,樓市又旺左, 我地都想換樓, 而其中一個條件係要可以養狗狗..好好彩我地可以搬到呢度, 迪迪不用再 lee 埋走佬袋 , 護衛哥哥姐姐又撩佢玩,又可以陪我去掉垃圾,附近還有一個狗狗海旁,迪迪識到很多朋友仔呢!!!!!!
雖然明白到,搬屋不是一件易事,但既然一早已經知道公契寫到明唔養得,咁點解仲要狗狗博??點解唔為家庭每一個成員著想??好彩既!!佢地都只係可以陪伴我地十幾年,我地有父母,兄弟,姊妹 ,工作,朋友,玩樂........ 但狗狗就只有我們,點解我地仲要令到佢地唔開心,快樂 ????
介唔介意話我知你住邊 （或者邉區都得架如果你唔想講太詳細） 狗狗海旁<--- 好吸引 同埋我都準備哩一兩年搬返香港
回覆刪除同意, 唔准養就無謂偷偷摸摸!!
回覆刪除[版主回覆05/01/2008 23:40:00]未係 law~~~
我都是因愛養狗先買村屋住架炸
回覆刪除[版主回覆05/02/2008 20:57:00]你養大dog??
有個朋友1個人住...隻狗狗, 總之屋企冇人就要帶口罩... 一日帶成10個鐘...我覺得超慘~!!
回覆刪除[版主回覆05/08/2008 23:49:00]因為太吵??真係好慘jei,連最基本既自由都俾不到牠.....