給寵物一個溫暖的家

            今日,在某  forum 看到某人最近搬左屋,一向都養開狗,而新搬的地方公契寫到明唔養得,但係諗住博一博,點知狗狗又唔聽話, 有人出lift或經過又吠,  有人響平台玩或者大堂按制上樓都吠.終於........她收到管理處投訴信,勸佢盡快將狗狗搬離,狗主暫時幫佢帶口罩, 但係見佢好慘dup晒尾,又好心痛!!!!

          回想我帶迪迪番來時,我舊居都係唔飼養得狗狗 ,所以有時佢吠小小,我都好驚,又或是開一開門掉垃圾,都怕佢會追出來,,帶佢落街, 又要好似走鬼咁....我覺得好對唔住佢呀!同老公講,唔想佢一世偷偷摸摸咁慘!!

          同一時間,樓市又旺左, 我地都想換樓, 而其中一個條件係要可以養狗狗..好好彩我地可以搬到呢度, 迪迪不用再 lee 埋走佬袋 , 護衛哥哥姐姐又撩佢玩,又可以陪我去掉垃圾,附近還有一個狗狗海旁,迪迪識到很多朋友仔呢!!!!!!

         雖然明白到,搬屋不是一件易事,但既然一早已經知道公契寫到明唔養得,咁點解仲要狗狗博??點解唔為家庭每一個成員著想??好彩既!!佢地都只係可以陪伴我地十幾年,我地有父母,兄弟,姊妹 ,工作,朋友,玩樂........ 但狗狗就只有我們,點解我地仲要令到佢地唔開心,快樂 ????

忌廉蘑菇汁煎魚柳

            曾經有一排很喜歡煮粟米魚塊,今次試下用金寶湯.....都幾好味呀!!!

    

 

    

新加坡之旅

            從新加坡回來後才知道香港昨日掛上了三號風球,有很多機都 delay or cancel..幸好我係早一日上機, 如果唔係我短短的旅程都 delay ,即係叫我唔使去啦 !!!

            一直都想去新加坡走一趟,奈何都沒有人陪,不是說新加坡是一個悶子地方,又說沒有東西玩,東西又不便宜.......... 不過我認為近近地行下無所謂啦!!!

           終於,最近有個舊同學過左去新加坡陪老公工作,我決定過去走一趟,等佢可以招呼我,佢就好啦 !!!唔使做,真係好渡假 feel ..

           去完番來, 我都感受到新加坡是一個悶地方,加上找換率高,所有東西都好貴....而我就只係食.食.食.食到肚痛

           去左當地 icon 魚尾獅  ,緊係影番張相先啦 !! 也坐了附近的 Singapore Flyer ,係現時全世界最高的摩天輪 ,高  LONDON　EYE  5 米 , d 間格都一樣 ,不過我覺得 坐LONDON EYE 好 FELL  D ,可能地方, 心情不同??

          第一晚朋友老公帶左我地去一個 類似 FOODCOURT  既地方晚飯 ,叫了不同的東西,樣樣都好特別 和好味  ...    

 

          早餐看上不是太豐富,但其實塊薄薄多士烘得不油,不乾,入口鬆化,一流...

           第一日下午去了黃亞細,點知原來朝早六點開到下午兩點便關門,真巴閉 !!唯有第二日再去過..  第二日終於品嚐到這出名的肉骨茶,好濃既藥材味 ,入口都破辣,很重胡椒味..不過都蠻好飲的......

           魚頭米粉,叻沙都係新加坡既美食 ,連晚上既甜品都好特別, 係花生湯底既湯圓..

         最後 一日既 lunch,當然不能不去文華,品嚐最出名既海南雞飯啦 !!係就係貴左 d , SGD 22 ,差不多 HKD  120 ,不過一次半次,算啦 !! 最好既係佢可以揀雞脾或雞胸,係唔係望到都好正呢 ??

           新加坡除左食之外,真係沒有什麼東西好玩呀!!!  Singapore flyer 外, sentosa 都算既 !不過因為掛住shopping ,很晚才入到去,都唔係玩左很多 , 在 MRT Harbourfront 站坐 Railway Express 只是數分鐘便到,很方便 ..

     

我最愛的基金~~~~~~

          好開心呀!!!!!! 由三年幾前供第一份基金開始 ,呢三年個市大上大落,手上多隻基金都回落不小,不過我都沒有放棄供,而其中一隻更在近來的悶市中脫穎而出,屢創新高 ......所以~~美林世界礦業基金~~已經成為我心中至愛基金.. 哈哈 ~~真係要多謝當年介紹呢隻基金俾我既同事... THX SO MUCH~~~~

燃燒緊生命??

　　　今日睇到奧臣個 blog話～～生命應該要充實一點, 我是否正在燃燒緊生命?? 我是否可以不顧一切放下工作??'我諗真係要放下假, 休息一下了　～～

　　　呢d 想法我久不久都會浮現,特別係每一年既年尾.......有時工作中同事會埋怨d 時間過得慢,在倒數放工 ,雖然我都想放工,但我已很久沒有倒數時間了,可能人大左感受到~~~我們活多一秒鐘, 即等於活小一秒鐘~~...也等於和身邊我愛的和愛我的相處小一秒鍾~~ 如果再繼續呻時間,咁真係燃燒緊生命了..

            奧臣,你都好多假啦!!唔好掛住跑數而儲假啦!!! 放下假調節下...

玩狗的一天

            今日去左 shan shan 家探佢隻柴犬 megu ..話說數月前有一日shanshan 打俾我閒話家常,我說我養了隻poodle ,shanshan 興奮地回應, ^下~~我都養左隻柴犬呀!!^ 而之前我們都沒有透露想養狗狗.....自那一天,我和 ShanShan 既話題便圍繞狗狗....其實最迎身邊都有很多朋友變左狗友,有雪橇, Poodle ,史納紗

 

           之前我都害怕miku 有二十磅咁大,我會驚,但原來看起來也不是太大,而且仲好定,定過迪迪好多呀!! ...仲好純...也懂很多動作...之後shanshan 和男朋友仔也來了我家探迪迪,迪迪又好興奮了.shanshan 仲當訓練員教迪迪一些動作tim...

          ShanShan 走後,又輪到細佬來 join 埋我地和迪迪跑海旁,迪迪開心到顛啦!!!希望佢開心  D  ,分離焦慮症快 D 遠離牠....今次迪迪和miku 無緣相聚,希望下次可以在彭福公園相會啦 !!!!

分離焦慮症

          在寵物世界裡,在一種病症~分離焦慮症~相信我家的小迪迪正患上這症了...因為最近每次回到家都發現牆上有被牠咬過和抓過的痕跡,初時以為牠頑皮,但發覺問題更加嚴重,後再從網上了解這症狀,原來處罰只會加重問題 ,而最主要成因可能係我們搬了新居,新環境既轉變,令小迪迪不安吧 !!現在回想,呢大半個月佢都未試過在家興奮地喪跑了,可能佢真的不是太開心??咁又係, 人都要適應啦!!! 今日開始,唔會再罰牠了,俾多 d 愛心佢,因為我知道佢都好辛苦...