迪迪之家: 3月 2008

2008年3月31日星期一

我的投資組合~~

今晚,嘉利哥哥問我呢排有無買股票, 哈!!!!雖然近來股市氣紛不大好,大部份時間都係無眼睇,不過間中都會短炒下我既愛股,賺番 d 私已錢...

上兩個月,都放左 d 濕碎股呀~~ 所以手頭上既股票比例已經減少了,當然資產大幅減少,不過都唔緊要啦!! hold 下先,,但係供基金仍然會keep 住啦!!

股票名稱　　　　　　　入市價　　　　　　　　收市價　　　　　　　　現賺／蝕

　　　思捷環球（３３０）　　　５０　　　　　 93.40 69.82%

　　工商銀行（１３９８）　３．０７　　　　　 5.42　　　　　　 76.55%

　　　中國交通建設（１８００）　４．６　　　　17.20　　　　 273.91%　　

中國交通建設（１８００）　７．３　　　　17.20　　　　 135.62%

　　紫金礦業（２８９９）　　１３．５２　　　 7.44　　　　　 -44.97%

　　中外航運（３６８）　　　８．１８　　　　5.12　　　　 -37.41%

　　　平安保險　（２３１８）　　８１．３　　　 55.15　　　 -32.16%　　

中國中鐵 (390 ) 5.78 7.55 30.62%

中國中鐵 (390 ) 7.37 7.55 2.44%

2008年3月24日星期一

迪迪做左公公喇

在我放呢十日假,除左忙搬屋外,也帶了八個月大的迪迪去做公公,朋友問咁早帶佢去做,你會後悔嗎??其實我出發點都係想佢健康 D ,如果好彩迪迪都有十幾年生命,我真係好希望佢呢一生健健康康生活.....

迪迪做公公前一晚, 在新浴缸沖個涼先.... 番黎第一晚, 成個身好似定左形咁,不停企,好似 SIT 不到咁,我要扶佢 PATPAT 佢先SIT 得到...第二日都仲好勊, 我故意放假時帶佢做,都係希望可以陪下佢,,不過晚上開始,可能 D 痳醉藥過哂,佢已經精神哂,個燈罩對佢來說好似隱形咁..

見佢咁慘!!!俾佢訓我的塔塔米啦 !!

迪迪要適應新屋企,又要做公公,,我諗佢內心一定很抑鬱,所以我一口氣買了一大堆零食留俾佢, 豆下佢開心啦!!!食咁多,我會勤力 d 同迪迪行街街 keep fit>>>

我的新居, 入伙喇~~~

昨天,睡床終於送來了,迷信的阿媽話這樣才叫真正入伙,所以佢與爸爸,細佬一起來開餐,像徵入伙woh !!! ~~ 阿媽仲親自下廚, 條魚被迫分開蒸係因為我家的鑊唔夠大..酸甜排骨係我一手一腳負責的...

CD 架

風扇燈

迪迪安樂窩

TWINSTARS 飾櫃

TV櫃

客廳一角

飾物櫃

旅遊紀念品架

多謝老公送個鋼琴房俾我

今日天色超清呀!!不過一年都唔知有幾多日,拿拿聲影低先...

2008年3月22日星期六

我番黎啦~~

終於回歸我個 blog懷抱了，呢段時間對住間屋,有種家不成家既感覺 .因為一個字~~亂~~床又未送來, 每晚都扮日本人訓塔塔米......廿幾日沒有在家食過一餐飯.....日日出街被味精侵食,換來既係精神不好,再病倒.......終於昨晚煲左湯,蒸左兩碟餸,烚左一碟菜,換來既係~~好幸福呀!!!!

新床明天便會送來了.....執埋睡室,間屋便大功告成了,家既感覺會重來....三月八號搬屋,足足用左半個月去執拾,是因為安裝傢俱那 part 不太順利,簡直谷氣....不過算啦!!!都已經過左去了......好彩那天有物流出身的細佬幫忙搬東西,,有管家婆的姑仔幫忙安排阿姐工作,,仲有奶奶幫我拆箱....之後我要番工,有阿爸,阿媽幫忙看守工人安裝傢俱....好感動呀!!

2008年3月7日星期五

開始十日假期

老細下令要清哂上年既補假,加上我都要搬屋,所以今日開始我一連十日的假期..

睡醒就搬屋了,明天行程很緊密,中午等搬運工人來,同一時間新居要上傢私,好彩有細佬,姑仔睇場,仲有嫂嫂幫我照顧迪迪,,, 跟住約左兩個阿姐四點來幫手清潔,全日行程希望可以在晚上八點完成啦!!咁我就可以好好睡一覺..因為今晚都唔知幾點先有得訓...東西好像執極都執不完但已經攪到週身骨痛....

起碼要十日後先有得上網,呢段時間唯有專心執靚靚我既新屋啦!!!

2008年3月3日星期一

倒數一星期~~搬屋

最後倒數了,都唔知可唔可以預期搬到 . 本來話星期四交屋,但竟然今日仲未開始塗油, D 師傅話兩,三日便 ok,都唔知真唔真,跟住仲要找人清潔呢 !!總之,只有自已乾著急啦!!

我自已的東西都pack 得七七八八了, 在呢個pack 箱過程中 , 令我懷念到很多讀書時期的回憶 , 回憶裡找到很多書籤 ,書籤上雖然只寫上數句祝福,鼓勵字句,但今時今刻看到, 仍感受到那一刻既溫暖. 在這個人人 SMS , MSN 的年代,我們或許連另一半既字跡也沒有見過......呢一代既年輕人會否連書籤也不知是什麼呢??

2008年3月1日星期六

今年既二月雖然已多左一日,感覺還是過得特別快..忙著準備過年,忙著拜年...跟著要忙著pack 箱搬屋.....呢個忙相信還要延續到三月再執屋.....之前有想過如果層樓短期內賺到半佰萬便會放,轉眼間其實已經到價.不過原來呢 D 錢都唔係易賺,付出既精神,時間,使費真的不少. 況且賺到既錢都未必夠我地再換番心目中既樓.所以已經決定左賬面起碼要賺七位數才割愛....當然呢個係呢一刻既諗法,話唔定好似我一個朋友咁講,可能住下又好鍾意,唔捨得搬呢!!!哈哈~~~又話唔定我地係高位入貨??大吉利是.......

　呢個二月仲食左好多好多．．．．．一來天氣凍，二來新年團拜，三來係小妹既牛一月．．．食左兩餐buffet 呀 !!一次係 MARCO POLO ( MARCO POLO BUFFET日綕) 另一次係如心廣場 L hotel , L hotel 個 view 幾好呀 !有 D 位仲望到汀九橋.食物既種類接受到啦 !唔算有太多選擇.....