十一月最後一日了..

           十一月的交易日,大部份日子都像坐過山車般.... 慶幸我已準備了安全帶 ,如果唔係嚇親都唔抵啦!!!眼見好多優質股從高位回落不少,所以上星期忍痛割愛左大象,同一時間移情左去平安保險,見佢從高位$124,回到$80,足有35 %,而我一直也看好中國的保險業,  加上換馬平安唔需要補錢加注,所以揀左佢...呢兩日,受惠入股富通而連升三日,不過目標價至少三個位,所以等下先....希望今次換馬成功啦!!　　抽中左隻３６８，迫住坐艇，好彩係５００股一手，唔算入肉．

　　     不過手上無左大象,組合既 risk 會大左,因為呢一年係多得佢為我平衡風險,大市升佢唔升,連累我組合跑輸大市,大市下滑時,佢又唔多跌,又會令我感動流涕.　　haha~~所以，針係無兩頭利.......forget you la ~~~Elephant .....hope u will be back......

　　  股票名稱　　　　　　　入市價　　　　　　　　收市價　　　　　　　　現賺／蝕

　　　思捷環球（３３０）　　　５０　　　　　１１６．８０　　　　　　114.80%

 　　工商銀行（１３９８）　３．０７　　　　　　６．１６　　　　　　１００.６５％

　　　招商銀行（３９６８）　８．５５　　　　　３６．００　　　　　　３２１．０５％

　　　中國交通建設（１８００）　４．６　　　　２２．５５　　　　　　３９０．２２％

　　　中國交通建設（１８００）　７．３　　　　２２．５５　　　　　　２０８．９０％

　　　中國交通建設（１８００）　２０．６　　　２２．５５　　　　　　　　９．４７％

　　　洛陽欒川鉬業（３９９３）　６．８　　　　１７．４０　　　　　　１５５．８８％

　　　紫金礦業（２８９９）　　１３．５２　　　１１．３０　　　　　　－１６．４２％

  　　soho中國(４１０）  　　　８．３　　　 　９．３５　  　 　　　１２．６５％

　　　中外航運 （３６８）　　　８．１８　　　　６．８６　　　　　　－１６．１４％

　　　平安保險　（２３１８）　　８１．３　　　８５．９５　　　　　　　　５．７２％

　　

水手迪迪

　　

　　　迪迪有新裝了，今次係水手．嘩！！我都估唔到咁ｆｉｔ．　迪爸之前買左件二佰大元冬裝俾迪迪，不過大件左，可能要過多兩個月先合身．講真，俾我未必捨得，一來如果唔合身都幾肉痛．．，二來都唔係便宜呀！！！！　

　　　迪迪有時晚上會突然間好興奮咁亂跑，大約兩分鐘．第一次見到我都有ｄ驚，不過之後見佢又正常番，飲下水回氣咁．．唔知佢係唔係有東西想表達呢？？定係佢太多精力要發洩？？　

　　　迪迪加油，唔好冷親呀．．

十一月快些過啦~~

        呢個十一月,令我的股票投資組合貶值不小呢!!相信好多朋友仔都一樣.,不過手上的股票大部份都係諗住長線,打擊都唔算太大,  唯有寄望十二月如四叔所預測一樣啦~~

       呢個月我最大既決定都算係上星期大象除息後在132 同佢分手了,可能有人問我,~~你唔係話要hold到六十歲,到時好型咁同人講,,d 大象係廿幾歲時買的,都唔記得幾錢買了~~ 唉!!!我真係自打咀巴,不過想番呢三年和大象的日子,真係令我很失望....回想我第一次儲到第一筆錢買佢時,佢係80幾蚊,升左20幾 蚊分手.,之後中間都試過拍下散拖,,而今次我係決定同佢長廂斯守的,但偏偏............眼見其他的都已經升天了，但佢仲係無進步．．．．希望換馬後會搵到個好人家啦　我換左中國平安呀！！　

　　未有心情Update 投資組合,過幾日先啦!!

  　

　　　　

ESPIRT ~~YEAH~~~~

         上星期 ,與我的330 fans去左ESPRIT 瘋狂 Shopping ,因為當時股價連跌數日,我地話要去買下東西,托一托股價 ,當然, 我地都係講下笑啦!我地呢d小股民又有何能力呢??   不過.....奇蹟真係發生左,今日係330 除息日,仲諗住除息後會跌啦,點知扣息後仲升8.18  ...真係太興奮了!!!  今次仲有特別股息收取,下星期便會收到近三千蚊股息了...我會當BONUS  咁,做下孝順女啦!!

頭髮鬆散的迪迪

         

          迪迪呢個  look 我都就快忍唔住了, 今個Weedend 希望可以打得成第三針啦!!咁就可以快 D帶佢去剷毛 , 如果唔係佢要改名叫毛迪了.

我的０８ Diary Book

       

         每一年,我都會買一本Little Twin Stars 既 Diary Book ,今年都唔例外,但唔知點解今年特別貴,有一款仲要過百蚊本,平那款又沒有香港假期,所以遲遲都未買...不過今日竟然俾我發現呢本又可愛,又合用,仲要又平的 Poodle Diary Book ,真係好開心呀!!!

又唔見左六百點

　　　唔覺唔覺，恆指已經回落五千幾，六千點了．　我既投資組合都唔覺唔覺貶值左六位數字了．風高浪又急，唔做就冇錯，最多都係資產貶值吧！！哈哈～～～　　如果上月尾真係實行左我既大計，就係放哂ｄ股，拿來做買樓首期．咁可能已經賺左一筆了．打算都係買來收租，計過收來既租可以COVER 供款,等於有人幫我供樓......曾經有人對我說過,女人最緊要嫁到我好男人,自已有層樓收下租,咁老來就一定唔使憂    但結果今次都係無實行,最主要係唔捨得手上的愛股,另外也要承受一個風險,就係如果無人租,我又要供樓的話,咁我就唔可以話唔做就唔做,  這對於我來說真是一種巨大壓力.  想著想著.....既然現階段決定係會增加自已壓力,想下想下....樓價又升了....股價卻下滑.....結果當然係什麼都沒有做啦!!!不過都唔緊要啦!!~~~經濟係不繼地循環,我就儲多d 彈藥,等待下次的機會....所以今日開始又儲多一隻基金,咁理想又可以快d達成.....

白汁雞皇飯

 

        今晚利用金X的忌廉雞湯做了這個白汁雞皇飯, ,再加上最好味的香腸,當然是廚師牌啦!!仲有日本製蟹柳,青椒,再加一些粟米,正......雞柳其實係星期日炒椰菜時預留的,調味左兩日,所以很入味呢!!!   近來,迪迪開始適應左我們的生活，牠會知道什麼時間是自已玩，什麼時間是和我玩，所以不需我再太費心，壓力也減小了，所以更有心情煮下飯仔．

我的投資組合１９．１１．０７

　　 兩星期沒有 update 我的投資組合了,近來個市太反覆了. 我也和一些唔想再放心神的情人分手了.，止賺左三十蚊買的招商和一部份紫金，手頭上那些就蝕緊,加左碼我的一號愛股1800. 現在我的投資組合真係可以唔使點理了,.  雖然大象依然固我,不過最近又大減息,我已經當自已買左隻有 5,6 厘息的無限期債券了.其實大象係全球最便宜的銀行股呢! 放左股的錢用來抽下新股，抽左中運,重氣 ,中鐵更加會抽啦!抽中再部署......

      股票名稱　　　　　　　入市價　　　　　　　　收市價　　　　　　　　現賺／蝕

　　匯豐控股（５）　　　　１２５　　　　　　１３５．５　　　　　　　　８．４％　

　　思捷環球（３３０）　　　５０　　　　　　１１２．２　　　　　　１２４．４％

　　工商銀行（１３９８）　３．０７　　　　　　６．００　　　　　　９５．４４％

　　招商銀行（３９６８）　８．５５　　　　　３３．３５　　　　　　２９０．０６％

　　中國交通建設（１８００）　４．６　　　　２２．１５　　　　　　３８１．５２％

　　中國交通建設（１８００）　７．３　　　　２２．１５　　　　　　２０３．４２％

　　中國交通建設（１８００）　２０．６　　　２２．１５　　　　　　　　７．５２％

　　洛陽欒川鉬業（３９９３）　６．８　　　　１６．１２　　　　　　１３７．０６％

　　紫金礦業（２８９９）　　１３．５２　　　１０．８４　　　　　　－１９．８２％

  　soho中國(４１０）  　　　８．３　　　 １０．００　　  　 ２０．４８％

　

迪迪個樣大個左呀

　　好神氣呀～～

　　因為我成日咬媽咪的鞋，佢終於忍唔住買左隻鞋俾我自已咬餐飽．成功！！

　　　好～ｌｕｍ～呀！

 

　　　　嘩～～我個身快長過梳化了

　　　好高呀～～好驚呀～快ｄ放我落黎啦！

　　　我笑左俾你影相了，影完放我落黎ｗｏｈ！

　　　有無留意我帶了小蝴蝶呢？？

粟米魚肚羹

           昨天出左成日街,去左銅鑼灣sogo shopping .嘩!!!好多人,好似唔使錢咁..多人到唔想行,唔想睇,只係在超市買左一大袋食品,又真係好抵... 　跟住去左st.paul hospital 睇醫生,因為我咳左三星期仲未完全好番,老公提議我去 私家醫院看，話ｄ藥靚ｄ　ｗｏｈ！即管試下啦!　今次咳前前後後都睇左三次醫生了，如果再唔得，我決定唔會再睇，因為我唔想再食西藥了，食到個人好～溫溫燉燉～今日，我都沒有去做運動了，全日在家．下午和迪迪一起午睡．．哈哈～～牠在我床邊訓呢！！

　　　晚上，自己煮飯仔．呢餐飯，我都幾有心機煮呀～～　有酸甜生炒骨，雞柳炒椰菜，蒸沅魚，仲有我至愛的粟米魚肚羹．　應該唔係好多人知我很喜歡飲這款羹  ，可能我喜歡魚肚關係啦！！不過出面很難找到較自已弄的粟米魚肚羹好味，唔係自已自大呀～～而係因為那種濃度人人喜歡都不同，我自已煮就可以煮到自已最喜歡的感覺．不過一兩魚肚都唔便宜，要＄２５．買埋粟米蓉，再加一隻雞蛋，都要三十幾蚊呀！　

蒜蓉炒翡翠苗

 

　　今日都算早放工，所以即刻番屋企煮飯仔．通常我ｗｅｅｄｄａｙ煮ｄ東西都好是但，多數都係蒸下，拾下咁．．不過今日好似樣樣都想食，結果整左三味一湯．蒸左條倉魚，蒜蓉炒翡翠苗，煎粟米豬肉餅，仲有西湖牛肉羹．．

　　再加上一個雪耳木瓜糖水．．哈哈！！這個是早兩日弄的．．

　　老公無樣好，好在什麼都食，真係史唔臭都食．所以基本上我想食什麼就可以煮什麼，唔使就佢．

勁食蟹

　　　呢個幾星期裡面，總共食了兩次蟹粥，兩次大閘蟹．其實本身都唔係蟹痴，不過唔知點解近來身邊既人好喜歡食．加上更來的大閘蟹也算便宜．整埋哂都係四，五十蚊隻，如果唔係一斑人食，都寧願去街食啦，方便快捷．

　　　今晚，去左金ｘ船食蟹餐，其實都唔係專登去食，不過與朋友剛經過，咁算啦，試下．．．．點知．．．．隻蟹一上，咁就緊係開左個蓋先啦！嘩～～～～點解有陣怪味？？仲唔見左ｄ金黃色羔．．即刻問個waiter ，佢二話不說地去換過另一隻，我地兩隻都係咁呀！都唔知有無攪錯，太差了！可惜的是我沒有影低呈堂證供　雖然換左另一隻是正常水準，不過對呢間野都打左拆扣了． 都係去番東ｘ有保證．．

迪迪好醒目呀！！

　　　自從上星期迪迪好似患左思覺失調，激發起我要用無比愛心對佢後，佢去厠所成功既機會率係百分之一百．真令人感動～～～

　　　最近，我發現朝早可以唔使再用響鐘了，因為每天迪迪也會準時地叫我起身．雖然．．．．．有時係早左，不過我對佢講～ｎｏ～，～我未起身呀～！！佢就會乖乖地安靜一會，隔一陣再叫過．所以，好彩地我今日假期都可以滿足地訓到十一點．

　　　不過，可能始終仲係ｂｂ，頑皮的迪迪最近很喜歡咬牆，咬到叫佢都不理會，點解油漆既魔力可以咁大呢？咬完第二日即刻嘔左三次白色液體出來．好彩嘔完又無事，食得，訓得，玩得．．．．不過現在一放佢出來就不停望住佢，一見佢圍牆就即刻～ｎｏ～佢，希望佢明白啦！

　　　今日上左好多網關於dog hotel ,其中一間叫dogotel ,個個都話好正,service 好好,環境好,有個仲話可能佢隻狗仲開心過在家,有無咁誇張??  其實我都係搵定,因為可能都會去短triip ,如果無人幫我看迪迪,我一定會找間五星級酒店俾佢呢!

             http://www.dogotel.com/cindex.htm

迪迪強壯左了

　　　　上星期天帶了迪迪去覆診，最主要是打第二枝防疫針，繼上次醫生話迪迪太瘦削，不健康，叫我們要谷肥佢．今次醫生大讚我們好叻，三星期已見到明顯成績，仲讚迪迪精靈左，毛色也靓左．叫我們繼續努力，迪迪可以再大隻ｄ．三星期後，迪迪可以打埋第三針，咁就會更加強壯了，到時仲可以帶佢出街街行．

 

 

 

 

沽左阿里巴巴1688

        今早開左市一陣致電問阿里巴巴價位,原來已回落緊, 唔使諗$35直沽了.300倍Ｐ／Ｅ賺到既錢, 賺左就算, 收市後先再check 下個價,收$32.6.  嘻~~當自已又賺左了.之後佢升,跌都唔再關我事, 因為我認為炒到咁,呢Ｄ真係名副其實既街外錢 .我都係喜歡投資多過投機.

迪迪令我很沮喪

             最近，迪迪唔知點解好似思覺失調咁，喜歡的時候一小時正確地柯三次~廖廖~我看,不喜歡的時候便不懂得去牠的厠所．之前買了個SOFA給牠,牠可能以為是自已地盤,在那裡~廖廖~,迪爸打牠,仲打到牠叫一聲,我想,牠一定很痛了,其實我也很心痛呢!!同樣的情況發生了兩,三晚,之後牠就在不同地方~廖廖~了,我想,牠是氣弄我們的.但事到如今,我可以怎樣做呢??

            之前,或許也是太寵牠了,常抱著牠,令到牠變得懶散,連拾骨頭也不願.常要人抱,常要上我們的sofa玩.真是.........唉!!!我是否寵壞了牠??我還能教牠變乖嗎??

           今晚,和朋友晚飯時,收到迪爸來電,叫著迪迪好似弱智呀!原來佢又在寵前撇~廖廖~呀!! 回家路上,我想著想著該用什麼方法~對付~佢?或者迪迪係一個反叛的小bb?所以我決定唔再打佢,最多丙佢,鵝佢,用我最大的愛心對待佢,希望佢明白啦!

           兩小時裡面,不停地叫佢去厠所,不停和牠傾計,但是牠一次大,小二便都沒有,牠是否忍著呢??結果~~皇天不付有心人,終於迪迪在我面前再次成功地柯廖了,那一刻真的感動萬分,即刻抱抱牠......不過仲未~大大

          報告完,好眼訓.......

抽中阿里巴巴

　　　嘩！呢個醫生都算大整估，七種藥不特只，仲要一食完ｄ藥個人就～溫溫燉燉～不停想訓覺，昨天已經由下午大昏迷到晚上．今日繼續食，都係訓．訓．訓．好彩今日放假，本來放假都會吸下個市，但那種堆動力已經被藥力掩蓋哂！連抽中阿里巴巴都係honey  check左話我知,咁難抽竟然抽中,都唔知是好定壞了. 因為今日港股連續第二日大跌,今日大跌1500點, 跌穿２９０００點關口了,個勢會否已經轉左呢?? 既然抽中巴巴, 下午開市沽左 30蚊買入的招商,Keep 番d 現金先.

我的投資組合０２．１１．０７

　　　今個星期期指結算前,個市升到你唔信.不過結算完後,加上減息的消息,又如上美國大趺三百幾點,今日恆指開波已趺約９００點,散場跌１０２４點,真係升得高時跌得亦傷,不過在我投資組合內有一隻例外,1800抗趺真係有一手,逆市升1.65%,今日都hit 到25 呀!唔怪得知最近多左人愛上佢啦!

　

   　股票名稱　　　　　　　入市價　　　　　　　　收市價　　　　　　　　現賺／蝕

　　匯豐控股（５）　　　　１２５　　　　　　１４８．３　　　　　　　１８．６４％

　　思捷環球（３３０）　　　５０　　　　　　１２２．１　　　　　　１４４．２０％

　　工商銀行（１３９８）　３．０７　　　　　　６．８３　　　　　　１２２．４８％

　　招商銀行（３９６８）　８．５５　　　　　３７．６０　　　　　　３３９．７７％

　　招商銀行（３９６８）　３０．２５　　　　３７．６０　　　　　　　２４．３０％

　　中國交通建設（１８００）　４．６　　　　２４．６０　　　　　　４３４．７８％

　　中國交通建設（１８００）　７．３　　　　２４．６０　　　　　　２３６．９９％

　　洛陽欒川鉬業（３９９３）　６．８　　　　１９．３０　　　　　　１８３．８２％

　　紫金礦業（２８９９）　　　８．４　　　　１２．９４　　　　　　　５４．０５％

　　紫金礦業（２８９９）　　１１．６８　　　１２．９４　　　　　　　１０．７９％

　　紫金礦業（２８９９）　　１３．５２　　　１２．９４　　　　　　　－４．２９％

  　soho中國(４１０）  　　　８．３　　　 １０．１４　　  　 ２２．１７％

　　奧園地產（３８８３）　　５．２　　　　　　６．７０　　　　　　２８．８５％

同迪迪隔離

　　　為了迪迪，我決定與牠隔離，因為我開始病入高峰了．本來只是小病，幾聲咳，不過可能最近睡眠時間不夠，Function 又較多,再加上轉天氣,所以一發病便不可收拾, 我準備失聲了. 上一次失聲是三年前的農曆年假後,也是我生平第一次啞左,唔係講笑,一朝早起身發唔到聲,真係有d驚. 跟住send　SMS 俾同事請假, 之後兩三日出街都紙筆離身.當時我好切心感受到啞既滋味, 也領略到我們四技健全,已是一種福氣.

　　　　　　　　　珍惜我們所擁有的

　　　　第一次買衫仔俾迪迪，都唔識買，著住先啦！！其實都唔知呢ｄ天氣佢會唔會覺得冷．佢對件衫好好奇，勁咬！　著左衫，ｄ毛包住哂！原來佢都好瘦削，細粒左．