平安夜的日本餐

 

            平安夜晚上,去左山林道食日本菜,好彩早 D 去,唔使等位....呢間我平時都有去開食,貪佢 D 魚生新鮮,特別...

 

 

 

     有我最喜歡的劍魚腩

 

   

      吞拿魚 & 海謄

食左一半既縵魚,仲有 D 掛住食,都唔記得影相  TIM

       

    911 ?? OH~~大吉利是......

假期完結

             五日假期即將完結,六合彩又唔中,即係明天又要繼續努力工作的生活...這個christmas 日日出街食大餐,睇樓,都唔知算唔算充實...

             呢D係某朋友送給我的聖誕禮物,好多謝佢依然當我童心未泯..

~平安夜不平安~

          呢幾日放假,原本係很開心一件事,但迪迪這幾天卻令我很困擾...由我地前日第一日放假下午出門口開始.....迪迪在屋內又叫又喊...平時一朝早番工出門口唔會出聲的...結果我地入番屋,之後前後腳走,好似平常番工一樣..佢好似好小小....

         昨天,我出了門口,迪迪一樣不開心, 又是喊..我入番屋責備牠數句...之後也走了.好唔忍心再在門外聽到牠的喊聲...所以,整天也心掛掛.. 幾個鍾後回到家,佢一幅剛睡醒的日子,我才放下小小心頭大石....可能佢喊到赲要訓啦!!!

        到今日,下午才出去和朋友 tea ,出門口前放回牠入寵,....一出門口,惡耗又發生了.牠又是很淒涼地喊,仲超大聲地嗚了兩聲..oh my god!!!!我又番入屋,牠已經很激動...我在想.....究竟佢係唔係大個仔??唔想再困寵???又或是時間亂了,佢以為我地唔理佢????    結果.....無同迪爸相量,我決定平安日呢個大日子俾佢自由行.....出左門口,都聽到佢幾下 un un 聲,不過都無法子了,我都係要走.....食完 tea回到家，又在門外偷聽一會,好平靜..........

         這樣,是否自由行的日子迫著提早開始???

MERRY CHRISTMAS

我的投資組合２１．１２．０７

 

           近來個市都無什麼好睇,成交小,跌又跌得多..無法子啦!!都預左,基金經理都放哂假去 happy 啦!!!呢個星期既新股我抽左統一和中材,抽中一手統一,好彩沒有跌破招股價,中材就抽唔中... 至於早排的中外運,就繼續沉底.....唉!!!今年升得最多的1688和跌得最多的368 ,我都有份,莫非上天係公平的??? 家下有三隻潛水,醜怪 ....

　　  股票名稱　　　　　　　入市價　　　　　　　　收市價　　　　　　　　現賺／蝕

　　　思捷環球（３３０）　　　５０　　　　　114.70             129.40%

 　　工商銀行（１３９８）　３．０７　　　　 　 5.72　　　　　　  86.32%

　　　招商銀行（３９６８）　８．５５　　　　　31.85　　　　　    272.51%

　　　中國交通建設（１８００）　４．６　　　　20.80　　　　     352.17%　　

     中國交通建設（１８００）　７．３　　　　20.80　　　　    184.93%

　　 洛陽欒川鉬業（３９９３）　６．８　　　　14.50　　　　　     113.24%

　　　紫金礦業（２８９９）　　１３．５２　　　10.30　　　　　 -23.82%

  　　soho中國(４１０）  　　　８．３　     8.00             -3.61%

　　　中外航運 （３６８）　　　８．１８　　　　5.91　　　　    -27.75%

　　　平安保險　（２３１８）　　８１．３　　　 82.10　　　　0.98%　　

     中國中鐵  (390 )        5.78     9.57         65.57%

    中國中鐵  (390 )        7.37     9.57         29.85%

    統一中國  (220)      4.22    4.61           9.24%

聖誕假期

               一連五日的聖誕假期終於開始了,今年假期氣紛好像濃了一點,可能因為今星期和不同朋友出來聚舊,公司又有Christmas Party,走到街上又極之熱鬧..

               昨晚自已分行Christmas Party ,有禮物,有現金抽獎,嘩~~~我好好彩,兩樣都抽中呀!!!同兩個同事講定今日一起夾錢買六千八百萬既六合彩,希望延續呢d luck,點之俾其他同事聽到,大家都驚執輸,結果我地個 pool 煲到 $1100 , 9,8,7,6 個 字都有買,希望有一條bingo 就發啦!!!又為了以防有人拿走中獎彩券走佬,我們已把彩券擺放了設有24小時閉路電視看守夾萬內了.哈哈~~好嚴緊呀!!!!

結婚禮物

           

           今晚,我竟然收到一份結婚禮物,我沒有打錯,是結婚禮物而不是聖誕禮物.是我上次提及那個特別朋友送的..

            事緣要追溯到數年前我結婚時他說預備了一份禮物給我,但未弄好,要遲一點才能給我...之後既一,兩年我都間唔中 remind 下佢,但呢一,兩年已經沒有再提.......  雖然我係記得..但估唔到佢會今晚送俾我,這是一份 100% hand-made 既鏈,這年頭相信已經很少人會願意花時間自已做一份禮物,莫說係一份禮物,可能連花紙也不願自已包,,所以呢份心意我係100 %收哂!!不過可能始終過了一段時間,開心既感覺不是太強烈...就連他也說  我有D失望呀!!你好似唔係好鍾意...其實,我又點會唔鍾意???我只係諗緊幾時可以用得著呢! 其實禮物既心意往往比價值來得重要,想著你一粒一粒把珠仔穿成一條鏈,已經夠感動啦!!哈~~~

            今日還收到你在意大利 honey moon時買的手信,Made in Italy 水晶鏈,好珍貴呢!

~~夢境成真~~~

         近來,發了多個不同的夢,不約而同都是夢境成真,既有夢見某一朋友去左澳門,第一朝唐突地打俾佢,點之真係在澳門,呢個朋友一年去一,兩次澳門啦!!昨晚我又夢見一個很久沒有見的人,  點之又俾我在公司遇見佢,仲同佢傾左幾句...呢個人識左幾年,之前常見時好鬼關心我,現在小見左,講既野小左了..

         唔知幾時我會夢見六合彩 no.呢??仲要係黎緊那期...係就發啦!!!!不過如果真係發生在我身上,我諗我都會幾驚.....

今年第一份聖誕禮物

            

         好開心呀~~咁早就收到阿Ying 送俾我既聖誕禮物.,真令人sweet 呢!!! 今日同佢和阿Ha  lunch ,好有以前一起工作時食Lunch  feel 呢!! 雖然已不是朝見口,晚見面的工作伙伴,不過大家同樣有很多是非八, 畢竟大家都係同一公司..

        最近我發現自已有一種~~年尾遲工症~,我又好想唔做工了...上年又係呢段時間極度想唔做,上年因為要搬行,年尾勁辛苦,加上要面對傳聞很難頂的 CSM ,所以很想逃避,很想休息.....不過,,同自已講俾兩個月時間自已看清楚當時的環境,結果,捱下捱下,又好  ok woh!!! 好快又有新來的 BM ,聽聞好難頂,唉!!!!!新管上任三把火,一定的了,睇黎起碼三個月無好日子過??? 雖然, 與現任BM 無大接觸,不過我還是幾喜歡他的,可能因為我本身不太喜歡男士多說話,特別是廢話..而他便是不會把說話修飾得靚靚才動聽地說給你聽那種人....做野應該係靠雙手,唔係靠把口,特別係男人.

迪迪短片分享

 

       迪迪三個月時想出竉時的無奈

  

 

 

     四個幾月仲係唔敢          

 

 

  五個月的迪迪身手敏捷地跳竉了

 

 

 

迪迪去左邊呀?????你想同媽媽玩捉迷藏嗎??

通貨澎脹

           又減息了,對於我地呢 D 要供樓既家庭,實在係一個 GOOD NEWS,但另一方面,通脹已經吞食緊資金既購買力, 明年經濟增長只係 4.6%,,即係我地努力賺埋賺埋,都唔夠被通脹一啖吞落肚. 香港已經處於負利率, 有人話,咁使小一點以應付,但這不是辦法,使小D 儲多D 只係下策,上策係要賺多D!!最佳的辦法都係投資,用錢變錢.....如果我有多D彈藥,我會買樓收租.........

　　　有時，我寧願停留在０３年己尾，０４年.. 當年雖沒有人工加,市道不太好,但周圍都減價, 正價的日子是很短暫的. 商場又多優惠,錢見使很多很多......但今時今日,就算加人工都唔夠蓋這個通脹....都唔知我地仲要捱幾耐呢d 百物皆貴的日子.

           不過,其實我已經比很多人幸福 !!起碼有閒錢投資下, 享受到投資市場上小小既回報.  很多貧窮既人,可能連想投資既成本都沒有,經濟繁榮對他們來說真的百般知味在心頭....地球上千萬富翁越來越多,但貧窮既人卻不見得減少,真令人唏噓!!!所以我們真的要感恩,珍惜擁有的....

       

迪迪第一次扮靚靚

　　　上星期六，迪迪終於第一次去左Dogroom 洗白白，剪毛 ,我選呢度係因為有好多人介紹,仲有我可以全場直擊經過.... 迪迪俾d 哥哥,姐姐擺左上檯後便腳震震,動也不動,好像俾人點左穴似的...不過佢都算乖,沒有大叫,我見到有另一隻poodle 好似顛左咁,不停反抗,結果要帶埋眼罩...

 

           因為天氣都涼了,所以我決定不剷毛,流番半吋俾佢,,,見到迪迪無哂d毛,好心痛,佢真係好瘦呀!!!個樣好似老左,好可憐咁......成個過程都要差不多三小時,接番佢後,佢都好似未驚完咁,攬得我好緊... 迪迪一定好辛苦,好疲倦.因為平時這些時間佢都係午睡, 那天卻在惶恐中度過..所以番到家,佢好快就~i~住我睡得好~lum~ ((迪迪,真係辛苦哂你呀))

             不過第二日,佢已經精神奕奕了....忘記哂昨日的緊張

 

特別的朋友

      又係一年一度的歡樂滿東華,記得某一年的歡樂滿東華晚上,和某人傾足整晚電話,有說不完的話題,談不盡的事情.......與某人既相識,真係緣份兩個字...某年某月某日,打錯左個call 台電話,仲留左言.. ...奇異既事情就是從這裡開始,他竟然回覆我,開始的一段時間我們只是call 機留言,跟住開始傾電話，之後佢話想見我，就這樣，我們便在聖誕節真正認識對方了．．其實諗番真係幾危險，連佢自己後來都同我講，你真係好好彩，識那個人係我，你知唔知好危險？不過世事往往已經安排好. 

   一段似幻似真既感情開始了, 每朝叫我起身既call 機信息,情人節既 既card, sms 信息, 唔開心時大家會想起對方的日子.......因為天時地利種種.....你說過很珍惜這樣的關係, 因為如果兩個人超越左某關係,感情便有機會改變....

  為呢個人流過一次淚,係我俾左結婚請帖佢後,我在他 ICQ INFO 裡看到一段文字:   我和你應該是很好的伴侶，卻終究只是各自畫不同軌道的個體而已。
當兩顆衛星的軌道踫巧重疊，我們就這樣見面了。遠看，就像流星般美麗。或許可以互相接觸，但那只不過是短暫的瞬間，下一瞬間又回到絕對的孤獨中。
小小的雙連星，我們是否真的有緣無份？唯有祈待永遠有希的明天，唯有期待再次相遇， 直至有天火焰燃燒殆盡。 我問佢點解??我想佢無except 我會問佢?也不太記得我收到的是什麼答案了,只係記得眼淚不停流下.  那一刻,我很嬲佢,點解要呢個moment ,要俾呢一段說話我看到??? 註冊後見到他,他有來但沒有看著我註冊,和我影了數張相便走了.    上年,他也開始人生另一階段了......

   今晚,我對他說,不明白當年為什麼可以和你傾通霄,他的答案是,因為我們當時都悶囉!!哈.....真是一個好答案....他也提及快到聖誕節,又特別想起我,要找我吃飯,哈....

    .人一生中在不同地方,認識到不同的朋友,但能夠一生一世,不計利益又有多少呢??其實我真的要感謝上天曾經令我認識佢,認識到一個曾經對自己無條件付出的人..

 </P>

迪迪練習與人一起走路

            迪迪明天便會生平第一次去洗白白,剪毛.......今晚我地開始教佢與人一起行路,原來都唔係咁間單,佢初初極不願行，寧願唔郁，訓低，真係無佢付．．．不過俾ｄ零食佢開心下，佢又肯行幾步．．．始終ｐｏｏｄｌｅ真係聰明，唔使一小時佢已經掌握到我地想佢點，迪爸真係好有耐性呀！！

　　　早幾日，迪迪竟然唔食佢既芝士，唔知係唔係硬左？？家裡無哂佢可以食既東西，但訓練又唔可以唔俾東西佢食．結果，我俾左我自已燉既燕窩佢食，佢好識貨呢！！勁ｅｎｊｏｙ呀！！　不過我都唔知燕窩對佢來講好唔好???

大市又玩掉頭

             今朝恆指最高升過400點,不過下午開市又掉頭向下,收市跌左七百點.......今日我大部份股都下滑呀!!隻平保已經連升七日.今日都抵不住要同大市同一命運...抽中左2000股中國中鐵,今日再加碼,慢慢等待佢成令一隻中交,不過我想佢既爆發力無中交咁快,咁勁.因為現價 PE 已經不便宜,不過呢 D 好難講 ...我會認為中國既基建將會更快進步,況且基建股風險較低, 所以都入左長線hold ...想放一些其他當換馬,但仲未決定放邊隻好.

.          股票名稱　　　　　　　入市價　　　　　　　　收市價　　　　　　　　現賺／蝕

　　　思捷環球（３３０）　　　５０　　　　　110.10             120.20%

 　　工商銀行（１３９８）　３．０７　　　　 　 6.23　　　　　　 １００.６５％

　　　招商銀行（３９６８）　８．５５　　　　　37.15　　　　　　 ３２１．０５％

　　　中國交通建設（１８００）　４．６　　　　２２．65　　　　　   392.39%　　

     中國交通建設（１８００）　７．３　　　　２２．65　　　　　  210.27%

　　　中國交通建設（１８００）　２０．６　　　２２．65　　　　　　　 9.95%

　　　洛陽欒川鉬業（３９９３）　６．８　　　　１７.12　　　　　  １５５．８８％

　　　紫金礦業（２８９９）　　１３．５２　　　11.12　　　　　 -17.75%

  　　soho中國(４１０）  　　　８．３　     8.64               4.1%

　　　中外航運 （３６８）　　　８．１８　　　　6.73　　　　　 　-17.73%

　　　平安保險　（２３１８）　　８１．３　　　 90.25　　　　11.01%　　

     中國中鐵  (390 )        5.78     7.36          27.33%

    中國中鐵  (390 )        7.37     7.36          -0.01%

又一城shopping

           今晚本來要去浸會聽talk ,不過同 D同事走左佬, 既然去到那邊,我便去又一城行左個圈.. 好有christmas feel 呀! 個透明三角琴好鬼靚.....自動播放緊聖誕歌,不過我覺得如果人彈會正好多...  好多護膚品都出左set ,好抵呀!!!結果我在 kiehl's 買左些護膚品送俾人. 我自已就......無買. 其實我仲有好多儲備,不過我真係好怕自已呢個月流流長控制唔到,因為真係好抵,好抵,好抵.....     去taste 又買左d平時樓下百佳無得買既薯片, 仲買左呢個雪人公仔放左屋企門口,係唔係令間屋warm D 呢?? 希望唔會俾人偷啦!!

迪迪打哂三枝針了

          上星期六,終於同迪迪打左第三針了.  今個星期會第一次帶佢去Dogroom 洗白白,剪毛,唔會全剷了,我怕會冷親佢.. !!聽人講ok 的,話哂佢地係主攻 poodle  ,該不錯吧!!希望到時迪迪乖乖俾姐姐幫佢扮靚靚啦!! 我會直擊整個過程, 不過唔知佢見到我會唔會仲衰呢??

          上星期日,同迪迪一起回阿媽家,帶埋佢常用的尿片,放在家某一位置,不停對牠說厠所,呵尿.............又常望著牠有否做錯事,但結果係......六小時一滴尿,一粒屎都沒有.回到自已家後,牠興奮地走了數圈便走去自已的厠所解決哂所有了....我都唔知是好是壞,  佢咁忍法,其實對個腎都好傷,但其實佢又乖乖知道不可以除便大小.....唯有希望下次我可以令佢更清晰啦！！１

十一月最後一日了..

           十一月的交易日,大部份日子都像坐過山車般.... 慶幸我已準備了安全帶 ,如果唔係嚇親都唔抵啦!!!眼見好多優質股從高位回落不少,所以上星期忍痛割愛左大象,同一時間移情左去平安保險,見佢從高位$124,回到$80,足有35 %,而我一直也看好中國的保險業,  加上換馬平安唔需要補錢加注,所以揀左佢...呢兩日,受惠入股富通而連升三日,不過目標價至少三個位,所以等下先....希望今次換馬成功啦!!　　抽中左隻３６８，迫住坐艇，好彩係５００股一手，唔算入肉．

　　     不過手上無左大象,組合既 risk 會大左,因為呢一年係多得佢為我平衡風險,大市升佢唔升,連累我組合跑輸大市,大市下滑時,佢又唔多跌,又會令我感動流涕.　　haha~~所以，針係無兩頭利.......forget you la ~~~Elephant .....hope u will be back......

　　  股票名稱　　　　　　　入市價　　　　　　　　收市價　　　　　　　　現賺／蝕

　　　思捷環球（３３０）　　　５０　　　　　１１６．８０　　　　　　114.80%

 　　工商銀行（１３９８）　３．０７　　　　　　６．１６　　　　　　１００.６５％

　　　招商銀行（３９６８）　８．５５　　　　　３６．００　　　　　　３２１．０５％

　　　中國交通建設（１８００）　４．６　　　　２２．５５　　　　　　３９０．２２％

　　　中國交通建設（１８００）　７．３　　　　２２．５５　　　　　　２０８．９０％

　　　中國交通建設（１８００）　２０．６　　　２２．５５　　　　　　　　９．４７％

　　　洛陽欒川鉬業（３９９３）　６．８　　　　１７．４０　　　　　　１５５．８８％

　　　紫金礦業（２８９９）　　１３．５２　　　１１．３０　　　　　　－１６．４２％

  　　soho中國(４１０）  　　　８．３　　　 　９．３５　  　 　　　１２．６５％

　　　中外航運 （３６８）　　　８．１８　　　　６．８６　　　　　　－１６．１４％

　　　平安保險　（２３１８）　　８１．３　　　８５．９５　　　　　　　　５．７２％

　　

水手迪迪

　　

　　　迪迪有新裝了，今次係水手．嘩！！我都估唔到咁ｆｉｔ．　迪爸之前買左件二佰大元冬裝俾迪迪，不過大件左，可能要過多兩個月先合身．講真，俾我未必捨得，一來如果唔合身都幾肉痛．．，二來都唔係便宜呀！！！！　

　　　迪迪有時晚上會突然間好興奮咁亂跑，大約兩分鐘．第一次見到我都有ｄ驚，不過之後見佢又正常番，飲下水回氣咁．．唔知佢係唔係有東西想表達呢？？定係佢太多精力要發洩？？　

　　　迪迪加油，唔好冷親呀．．

十一月快些過啦~~

        呢個十一月,令我的股票投資組合貶值不小呢!!相信好多朋友仔都一樣.,不過手上的股票大部份都係諗住長線,打擊都唔算太大,  唯有寄望十二月如四叔所預測一樣啦~~

       呢個月我最大既決定都算係上星期大象除息後在132 同佢分手了,可能有人問我,~~你唔係話要hold到六十歲,到時好型咁同人講,,d 大象係廿幾歲時買的,都唔記得幾錢買了~~ 唉!!!我真係自打咀巴,不過想番呢三年和大象的日子,真係令我很失望....回想我第一次儲到第一筆錢買佢時,佢係80幾蚊,升左20幾 蚊分手.,之後中間都試過拍下散拖,,而今次我係決定同佢長廂斯守的,但偏偏............眼見其他的都已經升天了，但佢仲係無進步．．．．希望換馬後會搵到個好人家啦　我換左中國平安呀！！　

　　未有心情Update 投資組合,過幾日先啦!!

  　

　　　　

ESPIRT ~~YEAH~~~~

         上星期 ,與我的330 fans去左ESPRIT 瘋狂 Shopping ,因為當時股價連跌數日,我地話要去買下東西,托一托股價 ,當然, 我地都係講下笑啦!我地呢d小股民又有何能力呢??   不過.....奇蹟真係發生左,今日係330 除息日,仲諗住除息後會跌啦,點知扣息後仲升8.18  ...真係太興奮了!!!  今次仲有特別股息收取,下星期便會收到近三千蚊股息了...我會當BONUS  咁,做下孝順女啦!!

頭髮鬆散的迪迪

         

          迪迪呢個  look 我都就快忍唔住了, 今個Weedend 希望可以打得成第三針啦!!咁就可以快 D帶佢去剷毛 , 如果唔係佢要改名叫毛迪了.

我的０８ Diary Book

       

         每一年,我都會買一本Little Twin Stars 既 Diary Book ,今年都唔例外,但唔知點解今年特別貴,有一款仲要過百蚊本,平那款又沒有香港假期,所以遲遲都未買...不過今日竟然俾我發現呢本又可愛,又合用,仲要又平的 Poodle Diary Book ,真係好開心呀!!!

又唔見左六百點

　　　唔覺唔覺，恆指已經回落五千幾，六千點了．　我既投資組合都唔覺唔覺貶值左六位數字了．風高浪又急，唔做就冇錯，最多都係資產貶值吧！！哈哈～～～　　如果上月尾真係實行左我既大計，就係放哂ｄ股，拿來做買樓首期．咁可能已經賺左一筆了．打算都係買來收租，計過收來既租可以COVER 供款,等於有人幫我供樓......曾經有人對我說過,女人最緊要嫁到我好男人,自已有層樓收下租,咁老來就一定唔使憂    但結果今次都係無實行,最主要係唔捨得手上的愛股,另外也要承受一個風險,就係如果無人租,我又要供樓的話,咁我就唔可以話唔做就唔做,  這對於我來說真是一種巨大壓力.  想著想著.....既然現階段決定係會增加自已壓力,想下想下....樓價又升了....股價卻下滑.....結果當然係什麼都沒有做啦!!!不過都唔緊要啦!!~~~經濟係不繼地循環,我就儲多d 彈藥,等待下次的機會....所以今日開始又儲多一隻基金,咁理想又可以快d達成.....

白汁雞皇飯

 

        今晚利用金X的忌廉雞湯做了這個白汁雞皇飯, ,再加上最好味的香腸,當然是廚師牌啦!!仲有日本製蟹柳,青椒,再加一些粟米,正......雞柳其實係星期日炒椰菜時預留的,調味左兩日,所以很入味呢!!!   近來,迪迪開始適應左我們的生活，牠會知道什麼時間是自已玩，什麼時間是和我玩，所以不需我再太費心，壓力也減小了，所以更有心情煮下飯仔．

我的投資組合１９．１１．０７

　　 兩星期沒有 update 我的投資組合了,近來個市太反覆了. 我也和一些唔想再放心神的情人分手了.，止賺左三十蚊買的招商和一部份紫金，手頭上那些就蝕緊,加左碼我的一號愛股1800. 現在我的投資組合真係可以唔使點理了,.  雖然大象依然固我,不過最近又大減息,我已經當自已買左隻有 5,6 厘息的無限期債券了.其實大象係全球最便宜的銀行股呢! 放左股的錢用來抽下新股，抽左中運,重氣 ,中鐵更加會抽啦!抽中再部署......

      股票名稱　　　　　　　入市價　　　　　　　　收市價　　　　　　　　現賺／蝕

　　匯豐控股（５）　　　　１２５　　　　　　１３５．５　　　　　　　　８．４％　

　　思捷環球（３３０）　　　５０　　　　　　１１２．２　　　　　　１２４．４％

　　工商銀行（１３９８）　３．０７　　　　　　６．００　　　　　　９５．４４％

　　招商銀行（３９６８）　８．５５　　　　　３３．３５　　　　　　２９０．０６％

　　中國交通建設（１８００）　４．６　　　　２２．１５　　　　　　３８１．５２％

　　中國交通建設（１８００）　７．３　　　　２２．１５　　　　　　２０３．４２％

　　中國交通建設（１８００）　２０．６　　　２２．１５　　　　　　　　７．５２％

　　洛陽欒川鉬業（３９９３）　６．８　　　　１６．１２　　　　　　１３７．０６％

　　紫金礦業（２８９９）　　１３．５２　　　１０．８４　　　　　　－１９．８２％

  　soho中國(４１０）  　　　８．３　　　 １０．００　　  　 ２０．４８％

　

迪迪個樣大個左呀

　　好神氣呀～～

　　因為我成日咬媽咪的鞋，佢終於忍唔住買左隻鞋俾我自已咬餐飽．成功！！

　　　好～ｌｕｍ～呀！

 

　　　　嘩～～我個身快長過梳化了

　　　好高呀～～好驚呀～快ｄ放我落黎啦！

　　　我笑左俾你影相了，影完放我落黎ｗｏｈ！

　　　有無留意我帶了小蝴蝶呢？？

粟米魚肚羹

           昨天出左成日街,去左銅鑼灣sogo shopping .嘩!!!好多人,好似唔使錢咁..多人到唔想行,唔想睇,只係在超市買左一大袋食品,又真係好抵... 　跟住去左st.paul hospital 睇醫生,因為我咳左三星期仲未完全好番,老公提議我去 私家醫院看，話ｄ藥靚ｄ　ｗｏｈ！即管試下啦!　今次咳前前後後都睇左三次醫生了，如果再唔得，我決定唔會再睇，因為我唔想再食西藥了，食到個人好～溫溫燉燉～今日，我都沒有去做運動了，全日在家．下午和迪迪一起午睡．．哈哈～～牠在我床邊訓呢！！

　　　晚上，自己煮飯仔．呢餐飯，我都幾有心機煮呀～～　有酸甜生炒骨，雞柳炒椰菜，蒸沅魚，仲有我至愛的粟米魚肚羹．　應該唔係好多人知我很喜歡飲這款羹  ，可能我喜歡魚肚關係啦！！不過出面很難找到較自已弄的粟米魚肚羹好味，唔係自已自大呀～～而係因為那種濃度人人喜歡都不同，我自已煮就可以煮到自已最喜歡的感覺．不過一兩魚肚都唔便宜，要＄２５．買埋粟米蓉，再加一隻雞蛋，都要三十幾蚊呀！　

蒜蓉炒翡翠苗

 

　　今日都算早放工，所以即刻番屋企煮飯仔．通常我ｗｅｅｄｄａｙ煮ｄ東西都好是但，多數都係蒸下，拾下咁．．不過今日好似樣樣都想食，結果整左三味一湯．蒸左條倉魚，蒜蓉炒翡翠苗，煎粟米豬肉餅，仲有西湖牛肉羹．．

　　再加上一個雪耳木瓜糖水．．哈哈！！這個是早兩日弄的．．

　　老公無樣好，好在什麼都食，真係史唔臭都食．所以基本上我想食什麼就可以煮什麼，唔使就佢．

勁食蟹

　　　呢個幾星期裡面，總共食了兩次蟹粥，兩次大閘蟹．其實本身都唔係蟹痴，不過唔知點解近來身邊既人好喜歡食．加上更來的大閘蟹也算便宜．整埋哂都係四，五十蚊隻，如果唔係一斑人食，都寧願去街食啦，方便快捷．

　　　今晚，去左金ｘ船食蟹餐，其實都唔係專登去食，不過與朋友剛經過，咁算啦，試下．．．．點知．．．．隻蟹一上，咁就緊係開左個蓋先啦！嘩～～～～點解有陣怪味？？仲唔見左ｄ金黃色羔．．即刻問個waiter ，佢二話不說地去換過另一隻，我地兩隻都係咁呀！都唔知有無攪錯，太差了！可惜的是我沒有影低呈堂證供　雖然換左另一隻是正常水準，不過對呢間野都打左拆扣了． 都係去番東ｘ有保證．．